Uztailak 31, astelehena, San Inazio eguna eta jaien amaiera

San Inazio eguna jendetsuena izan zen dudarik gabe, kalean, tabernetako terrazetan, frontoian, sagardo dastaketan, kukañan... jende pila ibili zen. Pena gauean jaiak amaitu zirela, baina datorren urtean berriz bueltan izango ditugu saninazioak! Aurten, auzoko txikiek ibili dute iltzea lepo gainean hartuta jaien agurrean.

Artikulo osoa irakurri...

Uztailak 30, igandea, San Inazio bezpera

Igande goizean, haurrentzako jolas-tailerrak egon ziren, eta hor ibili ziren gaztetxoak margoketa lanetan intentzio osoarekin. Gainera, arratsaldean Korri, Xalto eta Brinko pailazoen emanaldia izan zen etxeko txikientzat.
Gauean, parrandarako giro paregabea izan zen Loiolan! Jende ugari bildu zen gure auzoan, baita Bilbotik etorritakoak ere, eh Lur! jaja! Bestetik, ezin aipatu gabe utzi Marianoren urteroko showa. Aurtengoan, gutxi batzuk bakarrik izan genuen bere kantu eta dantzekin ezinhobe pasatzeko aukera, ustekabean eman baitzuen emanaldia kale erdian. Ez zuen eskaera askoren beharrik izan kantari hasteko. Parrandaren bukaera paregabea izan zen berari esker. Gazteok etxera joan aurretik, napolitana bana jaten genuen bitartean, Marianoren ikuskizunarekin barre algarak egin genituen.

Artikulo osoa irakurri...

Uztailak 29, igandea

Txokolatada eta txistularien dianaren ondoren, IX. kaleko pintura lehiaketa hasi zen. 11:00etan herri krosa izan zen, eta ordu berean, haurrentzako gaztelu puzgarriak egon ziren Parke Zaharrean. 12:00etan, jada ohitura bihurtu den kantujira egin zuten auzoan barrena hainbat auzotarrek, baita kanpotik etorritako lagunek ere.

Artikulo osoa irakurri...

Uztailak 28, larunbata, jaien hasiera

Hilabete bateko atzerapenarekin, baina hor doaz Loiolako jaietako argazkiak. Ez dut argazki asko biltzea lortu, baina aurrez esan bezala, nahi duenak bidal ditzala ateratako argazkiak nire posta elektronikora: ezabalaster@gmail.com
Aurten, larunbatean hasi ziren auzoko jaiak. Arratsaldeko 19:00etan, jende ugari bildu zen Parke Zaharrean (orain berritutakoa) txupinazoaren zain. Ondoren, haurrak urduri zeuden erraldoi eta buruhandien esperoan Eliza kalean.

Artikulo osoa irakurri...

Bukatu dira jaiak...

Aurtengoan ere konturatzerako amaitu dira auzoko jaiak! Baina, kontuan eduki datorren urteko parrandetarako ere gutxiago falta dela!!
Jende ugari hurbildu da Loiolara aurten! San Inazio egunean esaterako, kaleak jendez lepo zeuden: Aralar kaleko postuak, Eliz kaleko sagardo dastaketa, frontoia... giro aparta ibili da jaietan, zalantzarik gabe.
Iaz egunero izan zenuten albiste edo argazkiren bat ikusgai, baina, aurtengoan huts egin dut, sentitzet dut. Hala ere, argazki batzuk atera ditut 2007ko San Inazioetan ere, eta laster zintzilikatuko ditut blogean. Lagun batzuk beraien argazkiak niri bidaltzeko zain nago, eta zuek ere argazkiren bat publikatzea nahi baduzue, bidali nire helbidera: ezabalaster@gmail.com

Artikulo osoa irakurri...